रामेछापमा कोरोना भाइरस (कोभिड १९) विरुद्धको पुर्ण खोप ६० हजार बढीले लगाएका छन । जिल्लामा खोप अभियान सुरु भएदेखी हालसम्मको अवद्यिमा ६० हजार ६ सय ४३ जनाले पुर्ण मात्रा खोप लगाएको स्वास्थ्य कार्यालय रामेछापले जानकारी दिएको छ ।
जिल्लामा ६६ हजार २ सय १९ जनाले पहिलो मात्रा खोप लगाएका छन । जिल्लामा भेरोसेल,कोभिडशिल्ड, एस्ट्राजेनिका,जोन्सन एण्ड जोन्सन खोप लगाइएको थियो । अहिले पनि जिल्लामा खोप अभियान जारी छ ।
यहि मंसिर ५ गतेदेखी २७ गतेसम्म जिल्लाका ८ वटै पालिकामा विभिन्न चरणमा खोप अभियान सन्चालन भइरहेको स्वास्थ्य कार्यालय रामेछापका सुचना अधिकारी राजेश प्रसाद पालले जानकारी दिनुभयो ।
जिल्लामा अहिले १८ देखी ३९ वर्षसम्मका नागरीकहरुले एस्ट्राजेनिका खोपको पहिलो मात्रा लगाइरहेका छन । आफुलाई नजिक पर्ने खोप केन्द्रमा गएर खोप लगाउन स्वास्थ्य कार्यालय रामेछापले आग्रह गरेको छ ।
