नेकपा एकीकृत समाजवादीलाई निर्वाचन आयोगले चुनाव चिन्ह उपलब्ध गराएको छ। आयोगका अनुसार एकीकृत समाजवादीले माग गरे अनुसार ‘कलम’ चुनाव चिन्ह उपलब्ध गराइएको हो।
नेपाल कम्युनिस्ट पार्टी (एकीकृत) नेकपा एकीकृत समाजवादीमा गाभिएसँगै निर्वाचन चिन्ह कलम माग गरिएको र सो चिन्ह एकीकृत समाजवादी पार्टीलाई उपलब्ध गराइएको निर्वाचन आयोगले जनाएको छ।
एकीकृत समाजवादीले प्रस्ताव गरेको झण्डा पनि प्रदान गरिएको आयोगले जनाएको छ। जसमा रातो भुइँमा बायाँ भागको माथिल्लो कुनामा सेतो रङ्गको हँसिया र हथौडा खप्टिएको चिह्न अङ्कित हुने आयोगले जनाएको छ।
