नेपालमा कुल जनसंख्याको २८ दशमलव २ प्रतिशतले कोरोना भाइरसविरुद्धको पहिलो मात्रा खोप लगाएका छन् । स्वास्थ्य तथा जनसंख्या मन्त्रालयका अनुसार कुल जनसंख्या ३ करोड ३ लाख ७८ हजार ५५ जना रहेकोमा हालसम्म ८५ लाख ६२ हजार ३ सय ६५ जनाले पहिलो मात्रा खोप लगाइसकेका छन् ।
यस्तै ६४ लाख ८५ हजार ९ सय २३ जनाले पूर्ण मात्रा खोप लगाएका छन् । १८ वर्षमाथिका ४३ प्रतिशतले पहिलो मात्रा र ३२ दशमलव ६ प्रतिशतले पूर्ण मात्रा खोप लगाएका मन्त्रालयले जनाएको छ ।
१ करोड ९९ लाख २२ हजार १ सय ६४ जना १८ वर्ष माथिका खोप लिने लक्षित जनसंख्या छ। त्यसैगरी १५ वर्षमाथिका ३९ दशमलव ४ प्रतिशतले पहिलो मात्रा र २९ दशमलव ८ प्रतिशतले पूर्ण मात्रा खोप लगाएका तथ्यांक छ। सरकारले असोजभित्रै कुल जनसंख्याको ३३ प्रतिशतलाई खोप दिने घोषणा गरे पनि प्राविधिक कारणले पुग्न नसकेको जनाएको छ ।
