रामेछाप जिल्लामा केही दिनदेखी कोरोना संक्रमित भन्दा कोरोनालाई जित्नेको संख्या बढ्दै छ । आज जिल्लाका २५ जना कोरोना संक्रमित थपिदा ४५ जनाले कोरोनालाई जितेका छन । यो सँगै जिल्लामा कोरोना सङ्क्रमणमुक्त हुनेको सङ्ख्या एक हजार ७७६ जना पुगेको छ ।
आज जिल्ला अस्पताल रामेछापबाट एक जना, रामेछाप नगरपालिकाबाट १९ जना, खाँडादेवी गाउँपालिकाबाट पाँच जना, गोकुलगंगा गाउँपालिकाबाट ६ जना, लिखुतामाकोशी गाउँपालिकाबाट एक जना, सुनापति गाउँपालिकाबाट ९ जना र तामाकोशी अस्पतालबाट चार जनाले कोरोना जितेको स्वास्थ्य कार्यालय रामेछापले जनाएको छ ।
जिल्लामा आज २२ जना कोरोना संक्रमित थपिएका छ्न । जिल्ला अस्पतालमा ९ जना, उमाकुण्ड गाउँपालिकामा पाँच जना, खाँडादेवी गाउँपालिकामा एक जना, गोकुलगंगा गाउँपालिकामा पाँच जना र तामाकोशी अस्पतालमा दुई जनाको एन्टिजेन रिपोर्ट पनि पोजेटिभ आएको स्वास्थ्य कार्यालय रामेछापले जनाएको छ ।
यो सँगै कोरोनाको दोश्रो लहर अन्तर्गत जिल्लामा कोरोना संक्रमित हुनेको संख्या एक हजार ९४९ पुगेको छ । जिल्लामा कोरोनाका सक्रिय सङ्क्रमितको सङ्ख्या १५६ जना रहेको छ । २१ जनालाइ भने जिल्लामा उपचार सम्भव नभएर अन्यत्र रिफर गरिएको छ । जिल्लामा कोरोना संक्रमण भएर १७ जनाले ज्यान गुमाएका छ्न ।
