नेकपा माओवादी केन्द्र रामेछापले आज रामेछापका प्रमुख जिल्ला अधिकारी गौलोचन सैजूलाई स्वास्थ्य सामाग्री हस्तान्तरण गरेको छ । माओवादी केन्द्रले सानो ठूलो गरी २५ वटा अक्सिजन सिलिन्डर, ३७ हजार थान मास्क, १ सय ४० थान पिपिई सेट, एक हजार थान एननाइनटिन मास्क, मेडिसिन ४० बक्स सहित करिब ११ लाख बराबरको स्वास्थ्य सामाग्री प्रदान गरेकोे जनाएको छ ।
निवर्तमान रामेछापका प्रतिनिधिसभा सांसद एवं माओवादी केन्द्र रामेछापका इन्चार्ज श्याम कुमार श्रेष्ठको नेतृत्वमा स्वास्थ्य सामाग्री हस्तान्तरण गरिएको हो । सो कार्यक्रममा बोल्दै श्रेष्ठले आफुहरुले उपलब्ध गराएका समाग्रीले कोरोना रोकथापम तथा नियन्त्रणमा केहि मात्रामा भएपनि सहयोग पुग्ने बताउनुभयो ।
जिल्लामा अक्सिजन प्लान्ट स्थापना,पिसिआर मेसिन खरिद,जिल्ला अस्पताल रामेछापको भवन निर्माण जस्ता कामहरुमा बजेट मिलाउन पहल गर्ने काम आफुबाटै भएको निवर्तमान सांसद श्रेष्ठले बताउनुभयो । माओवादी केन्द्रले कोभिड–१९ जिल्ला संकट व्यवस्थापन केन्द्र रामेछापका अध्यक्ष समेत रहनुभएका प्रमुख जिल्ला अधिकारी गौलोचन सैजूलाई स्वास्थ्य सामाग्री हस्तान्तरण गरेको हो ।
