कोरोनाभाइरसका सङ्क्रमित थपिँदै गइरहेकोले देशका विभिन्न जिल्लामा जारी निषेधाज्ञालाई थप गर्दै कडाइ गरिने भएको छ।सल्यान, गोरखा, बाजुरा, मकवानपुर, धनुषा, काभ्रे, झापालगायत जिल्लामा फेरि निषेधाज्ञाको समय थप गरिएको छ ।
सल्यान र गोरखामा जेठ १५ गतेसम्म निषेधाज्ञा गरिने सम्बन्धीत जिल्ला प्रशासन कार्यालयहरूले जनाएका छन् । यस्तै बाजुरामा जेठ ७ गते राति १२ बजेसम्म निषेधाज्ञा लगाइएको छ ।
मकवानपुरमा पनि निषेधाज्ञा थप गर्दै जेठ १३ गतेसम्म पु¥याइएको छ। साथै प्रदेश नम्बर २ को धनुषामा १० दिन निषेधाज्ञा थप गरिएको छ।वैशाख ३१ गते राति १२ बजेदेखि जेठ १० गते राति १२ बजेसम्मको लागि जिल्ला प्रशासन कार्यालय धनुषाले निषेधाज्ञा जारी गरेको हो ।
झापामा पनि निषेधाज्ञा थपेर जेठ ७ गतेसम्म जारी गर्ने निर्णय गरिएको छ। हालसम्म काठमाडौं उपत्यकासहित देशका ७० बढी जिल्लामा निषेधाज्ञा लगाइएको छ ।
