प्रधानमन्त्री केपी शर्मा ओलीले कोरोना भाइरस कोभिड–१९ को समस्या समाधानका लागि सबै दलको सहयोग चाहिने बताउनुभएको छ । प्रधानमन्त्री निवास बालुवाटारमा आज भएको सर्वदलीय बैठकमा प्रधानमन्त्री ओलीले सबैको सहकार्यबाट मात्र कोभिड–१९ रोकथाम र नियन्त्रण गर्न सकिने बताउनुभएको हो ।
प्रधानमन्त्रीले बोलाएको सर्वदलीय बैठकमा मुख्यगरि ३ बिषयमा छलफल भएको छ । बैठकपछि परराष्ट्र मन्त्री तथा एमाले नेता प्रदीप कुमार ज्ञवालीले बढ्दो कोरोना महामारीको रोकथाम तथा नियन्त्रण, रिक्त रहेको स्थानमा उपनिर्वाचन र संसदमा अड्किएको विधेयकबारे छलफल केन्द्रीत भएको जानकारी दिनुभयो ।
साथै बैठकमा पछिल्लो विकसित राजनीतिक घटना क्रमका विषयमा पनि छलफल भएको मन्त्री ज्ञवालीले बताउनुभयो । बैठकमा एमसीसीलाई सभामुखले संसदमा अड्काउने काम गरेको भन्दै प्रधानमन्त्री ओलीले गूनासो गर्नुभएको थियो । बैठकपछि काँग्रेस वरिष्ठ नेता रामचन्द्र पौडेलले एमसीसी काँग्रेस सरकारकै पालामा आएकाले सो विषयलाई अड्काएर राख्न नहुने धारणा आफूहरुले राखेको बताउनुभयो ।
यसैगरी बैठकमा कोरोना नियन्त्रणको सवालमा सरकारले चाल्ने कदममा आफूहरुको साथ रहने धारणा दलहरुले राखेकाथिए । यस्तै प्रतिनिधिसभा, प्रदेशसभा र स्थानीय तहमा रिक्त रहेका जनप्रतिनिधिको पद पूर्ति गर्न उपनिर्वाचन गर्नेबारे पनि सहमतिभएको छ ।
यस्तै बैठकमा प्रधानमन्त्री ओलीले सरकार राष्ट्रियताको सवालमा स्पष्ट रहेको भन्दै त्यसबारे ढुक्क रहनआग्रहगर्दै पछिल्लो समय राजनीतिक प्रणालीलाई कमजोर पार्ने प्रवृत्ति देखिएको र त्यसबारे आफ्नो गम्भीर ध्यानाकर्षण भएको बताउनुभयो ।
बैठकमा उपप्रधानमन्त्री ईश्वर पोखरेल, अर्थमन्त्री विष्णुप्रसादपौडेल, गृहमन्त्री रामबहादुर थापा, नेपालीकाँग्रेसका सभापति शेरबहादुर देउवा, वरिष्ठ नेता रामचन्द्र पौडेल र महामन्त्रीविमलेन्द्र निधि, जनता समाजवादी पार्टीकाअध्यक्षमहन्थ ठाकुर र नेता लक्ष्मणलाल कर्ण, राष्ट्रिय प्रजातन्त्र पार्टी राप्रपाका नेताप्रकाशचन्द्र लोहनी र नेपालमजदूर किसान पार्टीका नेता प्रेम सुवाल सहभागीभएकाथिए ।
बैठकमा नेकपा माओवादी केन्द्रबाट भने कोहीपनि नेता सहभागी भएनन् । सर्वदलीय बैठकबारे आफूलाई जानकारी नदिइएको माओवादी केन्द्रले बताएको छ ।परराष्ट्रमन्त्री ज्ञवालीले भने माओवादीलाइप्रधानमन्त्रीओली स्वयमले बोलाएको प्रतिक्रियादिनुभएको छ ।
