जिल्ला खेलकुद विकास समिति रामेछापको आयोजनामा जिल्लामा पहिलो पटक सन्चालन भएको (टग अफ वार) डोरीतान प्रतियोगितामा शनिबार सम्पन्न भएको छ । सो प्रतियोगिताको उपाधि मन्थली नगरपालिकाले जितेको छ । जिल्लाका ८ स्थानीय तहबाट ८ टिम सहभागि भएकोे प्रतियोगितामा खाँडादेवीलाई पछि पार्दै मन्थली नगरपालिकाले उपाधि जितेको हो । डोरीतान प्रतियोगितामा खाँडादेवी गाउँपालिका उपबिजेता भएको छ । प्रतियोगितामा बिजेता हुँदै मन्थली नगरपालिकाले नगद २० हजारको साथमा शिल्ड, मेडल र प्रमाणपत्र प्राप्त गरेको छ । प्रतियोगितामा उपबिजेता भएको खाँडादेवी गाउँपालिकाले १५ हजार नगदको साथमा शिल्ड, मेडल र प्रमाणपत्र प्राप्त गरेको छ ।
रामेछापमा डोरी तान प्रतियोगिता सम्पन्न,मन्थली नगरपालिकाले जित्यो उपाधि
