राष्ट्रिय पुनर्निर्माण प्राधिकरण स्थापना भएको पाँचवर्षमा रामेछापमा भूकम्पले भत्कीएका ४२ हजार ६६३ निजी घर बनेका छन् । २०७२ साल वैशाख १२ गतेको भूकम्प र त्यसपछिका पराकम्पबाट जिल्लामा ५० हजार ११६ निजि घरमा पुर्णरुपमा क्षेती पुर्याएको थियो । यसध्ये हालसम्म ४२ हजार ६६३ घरको पुनःनिर्माण सम्पन्न भएको जिल्ला आयोजना कार्यान्वयन इकाई अनुदान व्यवस्थापन तथा स्थानीय पुर्वाधार कार्यालय रामेछापका सूचना अधिकारी निरज श्रेष्ठले बताउनुभयो । उहाँका अनुसार भूकम्पले ५० हजार ११६ निजी घरमा पुर्ण क्षेती पुर्याएकोमा ४८ हजार ६२६ लाभग्राहीले घर बनाउन सम्झौता गरेका थिए । यसमध्येबाट ४८ हजार ५३० जना लाभग्राहीले पहिलो किस्ता , ४६ हजार ५०७ जनाले दोस्रो किस्ता र ४२ हजार ६६३ जनाले तेस्रो किस्ता बुझिसकेको उहाँले बताउनुभयो । जिल्ला आयोजना कार्यान्वयन इकाई अनुदान व्यवस्थापन तथा स्थानीय पुर्वाधार कार्यालय रामेछापका प्रमुख गणेश अर्यालले जिल्लामा अझै एक हजार ४९० जनाले घर बनाउनका लागि अनुदान सम्झौता गर्न बाँकि रहेको बताउनुभयो ।
भुकम्प गएको पाँचवर्षमा रामेछापमा भूकम्पले भत्कीएका ४२ हजार ६६३ निजी घर निर्माण
