जिल्ला ट्राफिक प्रहरी रामेछापले तीन महिनामा ट्राफिक नियम उल्लघंन गर्ने सवारी साधनमाथि कारबाही गरी ४७ लाख ८९ हजार रुपैयाँ राजश्व संकलन गरेको छ । ट्राफिक नियम विपरित सञ्चालन भएका सवारी कारबाहीबाट चालु आर्थिक वर्षको असोज ,कार्तिक र मङ्सिर महिनाको अवधिमा झण्डै गत आर्थिक वर्ष २०७६÷०७७ मा सङ्कलन गरिएको बराबरको राजश्व संकलन भएको जिल्ला प्रहरी कार्यालय रामेछापका प्रमख प्रहरी नायब उपरीक्षक बसन्त पाठकले जानकारी दिनुभयो । उहाँका अनुसार जिल्लामा ट्राफिक प्रहरीले गत आर्थिक वर्ष २०७६÷०७७ मा ट्राफिक नियम विपरित सञ्चालन भएका ७२ सय ५० सवारी कारबाहीबाट जम्मा ५२ लाख ५० हजार राजश्व संकलन गरेको थियो । उहाँले जिल्लामा कोरोनाबाट बच्च सरकारले जारी गरेको मापदण्ड नमान्ने सवारी , यात्रुसंग बढीभाडा असुल्ने सवारी साधनहरु बढीमात्रामा कारबाहीमा परेको बताउनुभयो । उहाँका अनुसार यो अवधिमा तोकिएको भन्दा बढी भाडा लिने, चालक अनुमतिपत्र बिनै सवारी चलाउने , मादक पदार्थ सेव गरी सवारी चलाउनेहरु बढी मात्रामा कारबाहीमा परेका छन् ।
रामेछापमा तीन महिनामा ट्राफिक प्रहरीद्धारा ४७ लाख ८९ हजार राजश्व सङ्कलन
