काठमाडौं उपत्यकामा बन्दाबन्दी अगाडिको भाडादर कायम गर्न ट्राफिक प्रहरीले सक्रियता देखाएको छ। बढी भाडा लिने चालकलाई पाँच हजार रूपैयाँसम्म जरिवाना गर्न लिन थालिएको छ भने स्वास्थ्य सुरक्षाका मापदण्ड पनि पूरा गराउन थालिएको छ । लकडाउनका बेला सरकारले सिट क्षमताभन्दा ५० प्रतिशत कम यात्रु बोक्न दिँदा भाडा भने ठीक ५० प्रतिशत बढाउन भनेको थियो । तर अहिले लकडाउन नभएको बेलामा समेत बढि भाडा लिंईदै आएको छ । सार्वजनिक सवारीमा पुरानो भाडादर राख्न लगाउने र बढी भाडा लिनेलाई कारबाही गर्न थालिएको महानगरीय ट्राफिक प्रहरी महाशाखाका प्रवक्ता रामेश्वरप्रसाद यादवले बताउनुभयो । कोभिडको वाहानामा सार्वजनिक यातायातले शुल्कमा उपभोक्तालाई ढग्ने गरेको गुनासो आउन भने छाडेको छैन ।
काठमाडौं उपत्यकामा बन्दाबन्दी अगाडीको भाडादर कायर्म गराउन ट्राफिक प्रहरी सक्रिय
