पछिल्लो २४ घण्टामा थप २४ सय ४० जनामा कोरोना भाइरस कोभिड १९ को सङ्क्रमण पुष्टि भएको छ । देशभरका प्रयोगशालामा १३ हजार ७८१ नमुना परीक्षण गर्दा ९३७ महिला र १५ सय ३ पुरुषमा सङ्क्रमण पुष्टि भएको हो । यससँगै कुल सङ्क्रमितको सख्ंया ८९ हजार २६३ पुगेको छ । स्वास्थ्य तथा जनसङ्ख्या मन्त्रालयका अनुसार काठमाडौं उपत्यकाका १५ सय ३१ सङ्क्रमित थपिएका छन् जसमध्ये काठमाडौंका ११७८, ललितपुरका २५० र भक्तपुरका १०३ जना छन् ।सङ्क्रमितमध्ये ६५ हजार २०२ जना सङ्क्रमणमुक्त भएका छन् । पछिल्लो २४ घण्टामा मात्र ११३३ जना सङ्क्रमणमुक्त भएका छन् । संक्रिय सङ्क्रमितको संख्या २३ हजार ५०७ पुगेको छ । १२ हजार ३१६ होम र ११ हजार १९१ संस्थागत आइसोलेसनमा छन् । उनीहरुमध्ये २४४ जनाको आईसीयू र ४३ जनाको भेल्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ । हाल सम्म ५५४ जनाको मृत्यु भएको छ ।
नेपालमा पछिल्लो २४ घण्टामा २४ सय ४० जनामा कोरोना संक्रमण पुष्टि
