रामेछाप जिल्ला सुख्खाग्रस्त जिल्ला हो । जिल्लाको धेरै ठाउँहरुमा पानीको अभाव छ । रामेछाप नगरपालिकामा पनि पानीको निकै समस्या छ । वडा नम्बर ८ जिल्लाको पुरानो सदरमुकाम पनि हो । वडा नम्बर ८ रामेछाप बजार लगायत समग्र वडाभरी नै पानीको समस्या छ । यहि समस्यालाई ब्ुझेर वडा नम्बर ८ वडा कार्यालयले एक घर एक ट्याङ्की वितरण अभियान सुरु गरेको छ । वडाको सल्ले र डुम्रिखर्कका १ सय ८९ घरधुरीलाई ५ सय लिटरको प्लाष्टिकको हिलटेक ट्याङ्की वितरण गरिएको वडाअध्यक्ष केदार कार्कीले बताउनुभयो । नागरीकहरुलाई पानी संकलन गर्न सहयोग पुगोस भन्ने उद्धेश्यका साथ वडा कार्यलयले एक घर एक ट्याङ्की वितरण अभियानको सुरुवात गरेको उहाँले बताउनुभयो । पानीको समस्या झेल्दै आएका वडाका नारीकहरुलाई आकाशे पानी संकलन गरी फलफुल तथा तरकारी उत्पादनमा आत्मनिर्भर बन्न सहयोग पुगोस भनेर ट्याङ्की वितरण गरिएको वडाअध्यक्ष कार्कीको भनाई छ । यस वर्षबाट सुरु गरिएकोे ट्याङ्की वितरण कार्यक्रमलाई आगामी वर्षहरुमा पनि निरन्तरता दिईने उहाँले बताउनुभयो ।
