रामेछापको रामेछाप नगरपालिका–स्थित गौरीशंकर माध्यमिक विद्यालयले माध्यमिक शिक्षा परीक्षा एसईई २०८२ मा उत्कृष्ट नतिजा हासिल गर्दै नगरपालिकाभरिमै आफूलाई उत्कृष्ट विद्यालयका रूपमा स्थापित गरेको छ ।
विद्यालयकी छात्रा रक्षा बस्नेतले ३.९६ जीपीए ल्याउँदै रामेछाप नगरपालिकाभरि प्रथम स्थान हासिल गरेकी छन् । त्यसैगरी ज्योति लामाले ३.९१ जीपीए सहित नगर द्वितीय तथा सुजिना लामाले ३.७७ जीपीए सहित नगर तृतीय स्थान हासिल गर्न सफल भएकी छन् ।
विद्यालयका अनुसार यस वर्षको एसैपरीक्षामा १३ जना विद्यार्थीले ए प्लस, १७ जनाले ए, ७ जनाले बी प्लस तथा २ जनाले बी ग्रेड प्राप्त गरेका छन् ।
उत्कृष्ट नतिजापछि विद्यालय परिवारले सम्पूर्ण विद्यार्थी, अभिभावक तथा दिनरात मेहनत गर्ने शिक्षक–शिक्षिका र कर्मचारीप्रति आभार व्यक्त गरेको छ । विद्यालयले अनुशासित शैक्षिक वातावरण, शिक्षकहरूको निरन्तर मेहनत र विद्यार्थीहरूको लगनशीलताका कारण यस्तो सफलता हासिल भएको जनाएको छ ।
विद्यालयको उत्कृष्ट नतिजाले रामेछाप नगरपालिकाको शैक्षिक क्षेत्रमा नयाँ उत्साह थपिएको स्थानीयवासीले बताएका छन् ।
