रामेछापको रामेछाप नगरपालिका वडा नं ८ भंगेरी धारापानीमा पोखरीमा डुबेको अवस्थामा एक वृद्धको शव फेला परेको छ । सोही वडाको बाबियाखर्क घर भएका वर्ष ६७ को रामकृष्ण बुढाथोकी मृत अवस्थामा फेला परेका हुन ।
पोखरीमा घोप्टो परेको अवस्थामा उनको शव देखेपछि स्थानियले प्रहरीलाई खबर गरेका थिए । प्रहरी चौकी रामेछाप डाँडाका अनुसार बिहिबारदेखी मृतक परिवारको सम्पर्कमा नरहेको बताइएको छ । शव पोष्टमार्टमको लागी मन्थली अस्पताल लगिएको छ । घटनाको बारे थप अनुसन्धान भैरहेको प्रहरीले जानकारी दिएको छ ।
