“स्वास्थ्यका लागी खेलकुद,राष्टका लागी खेलकुद”भन्ने मुल नाराका साथ रामेछापको रामेछाप नगरपालिकामा शुक्रबारदेखि सुरु भएको सातौँ रास्ट्रपति रनिङ शिल्ड प्रतियोगिता श्री गौरीशंकर माध्यमिक विद्यालयले जितेको छ । नगर भित्रका १३ वटा माध्यमिक विद्यालयले सहभागीता जनाएको प्रतियोगितामा श्री गौरीशंकर माध्यमिक विद्यालय प्रथम हुन सफल भएको छ ।
गौरीशंकर माध्यमिक विद्यालयले विभिन्न खेलमा २७ स्वर्ण, २३ रजत र २२ कास्य पदक प्राप्त गर्न सफल भएको छ । प्रतियोगितामा द्धितिय भएको जनता मावि कोलन्जोरले १७ स्वर्ण, ९ रजत र ७ कास्य पदक प्राप्त गर्न सफल भएको छ । प्रतियोगितामा तृतिय भएको हिमगंगा मावि साँघुटारले ९ स्वर्ण, ५ रजत र ३ कास्य पदक जित्न सफल भएको छ ।
प्रतियोगितामा चौथो भएको मावि भंगेरीले ३ स्वर्ण,५ रजत र २३ कास्य पदक जितेको हो । पाँचौ भएको सारदा संस्कृत मावि बाबियाखर्कले ३ स्वर्ण,५ रजत र ४ कास्य पदक जितेको हो । हरेक वर्ष गौरीशंकर माविले यो प्रतियोगिताको उपाधी जित्दै आएको छ । सातौँ पटक उपाधी जित्दै गौरीशंकर माविले ईतिहास रचेको छ ।
प्रतियोगितामा भलिबल, कबडी, एथ्लेटिक्स,छात्र/छात्रा रिले दौड,तेक्वान्दो ,हाईजम्प, लङजम्प, त्रीपलजम्प, ज्याभलिङ थ्रो, सटपुट लगायतका खेलहरु खेलाईएको थियो । प्रतियोगितामा विजयी खेलाडी तथा विद्यालयलाई रामेछाप नगरपालिकाका प्रमुख लबश्री न्यौपाने,उपप्रमुख बाल कुमारी कार्की र नगर प्रवक्ता समिर कार्की लगायत कार्यक्रमका आतिथीहरुले शिल्ड, मेडल र प्रमाणपत्र प्रदान गर्नुभयोे ।
