रामेछाप नगर साँस्कृतिक कलाकार समाजको अध्यक्षमा फिन्जु पाख्रिन चयन हुनुभएको छ । शनिबार काठमाण्डौँमा भएको पहिलो अधिवेशनबाट पाख्रिनको अध्यक्षतामा ११ सदस्य कार्यसमिति गठन गरिएको हो । रामेछाप नगर साँस्कृतिक कलाकार समाजका अध्यक्ष नवीन पुलामी मगरको अध्यक्षतामा भएको अधिवेशनले नयाँ नेतृत्व चयन गरेको हो ।
नयाँ कार्यसमितिको उपाध्यक्षमा डि वि लामा,सचिवमा सूर्य क्याप्छाकी मगर,सहसचिवमा देव लामा,कोषाध्यक्षमा टंकमाया श्रेष्ठ,सदस्यहरुमा दिलु श्रेष्ठ,कविता विक,सुरेन्द्र पाख्रिन,सुमी श्रेष्ठ र रुपेश गोले चयन हुनुभएको हो ।
यसभन्दा अघिको कार्यसमितिको अध्यक्षमा नवीन पुलामी मगर,उपाध्यक्ष रिता मगर,सचिव राजन महतारा क्षेत्री,सह सचिव दिपक सुनुवार,कोषाध्यक्ष देव लामा लगायतको ९ सदस्य थियो । समाजको पहिलो कार्य समितिले खासै काम गर्न सकेको थिएन । नयाँ बनेको कार्यसमितिले रामेछाप नगरपालिकाको कला र संस्कृतिको क्षेत्रमा काम गर्ने अपेक्षा लिइएको छ ।
