ललितपुर प्रहरीले रातको समयमा गाडी चोरी गर्ने गिरोहलाई पक्राउ गरेको छ । पक्राउ पर्नेहरुमा रामेछापको दोरम्बा गाउपालिका वडा नंम्बर ५ का गणेश वहादुर गौतम लगायत रहेका छन् ।
ललितपुरका विभिन्न स्थानमा पार्किङमा राखिएका तीन वटा पिकअप भ्यान चोरी गरेको प्रहरीले बताएको छ । गाडीहरु चोरी भएपछि खोजतलास गर्ने क्रममा ब्याट्री निकालिएको अवस्थामा नैकाप र सतुंगलमा फेला परेको थियो ।
साथै अर्को गाडी धादिङको खानिखोलाबाट बरामद गरिएको पनि प्रहरीले जनाएको छ ।
