कर्तव्य ज्यान मुद्धामा रामेछाप कोटगाउँका एक पुरुष पक्राउ परेका छ्न । यहि भदौ ६ गते रामेछापको लिंखुतामाकोशी गाउँपालिका वडा नं.४ कोटगाँकी बर्ष ४५ की एकल महिला सरिता तामाङ आफ्नै घरको शौचालय अगाडी आगनमा घोप्टो परी निधारमा चोट लागेको अबस्थामा मृत फेला परेकीे थिइन ।
सोहि घटनाका सम्बन्धमा इलाका प्रहरी कार्यालय धोबि डाडाले थप अनुसन्धान गर्ने क्रममा घटनामा संलग्न सोहि गाउँका वर्ष ४१ का विर वहादुर तामाङलाई पक्राउ गरेको हो । यहि भदौ २७ गते पक्राउ परेका उनलाई रामेछाप जिल्ला अदालतबाट म्याद थप गरी थप अनुसन्धान भैरहेको जिल्ला प्रहरी कार्यालय रामेछापका सुचना अधिकारी एवं प्रहरी निरीक्षक रञ्जन कुमार गिरीले जानकारी दिनुभएको छ ।
