बागमती प्रदेशअन्तर्गत रामेछाप जिल्ला सहित विभिन्न जिल्लाको गत आर्थिक वर्षमा मानवअधिकार उल्लंघनको ३३ उजुरी परेको राष्ट्रिय मानवअधिकार आयोगको बागमती प्रदेश कार्यालयले जनाएको छ । प्रदेशको १३ जिल्लामध्ये नौ जिल्लामा गरी कूल ३३ मानवअधिकार उल्लंघनको विभिन्न किसिमका उजुरी सो कार्यालयमा परेको जनाएको छ ।
कार्यालयका प्रमुख यज्ञ अधिकारीले प्रदेशको सबैभन्दा बढी काठमाडौं र ललितपुर जिल्लामा मानवअधिकार उल्लंघनको उजुरी परेको बताउनुभयो । दुवै जिल्लामा क्रमशस् आठ र सात मानवअधिकार उल्लंघनको उजुरी परेको छ । प्राप्त विवरणअनुसार चितवनमा ४, नुवाकोटमा ४, सिन्धुपाल्चोकमा ३, काभ्रेमा २, धादिङमा २, दोलखामा २ र रामेछापमा १ वटा उजुरी परेको बताइएको छ ।
प्रदेशको मकवानपुर, भक्तपुर, रसुवा र सिन्धुलीमा गत आर्थिक वर्षमा कुनै किसिमको मानवअधिकार उल्लंघनको उजुरी नपरेको सो कार्यालयले जनाएको छ ।
