प्रदेश, प्रतिनिधि सभाको निर्वाचनमा मतदान गर्ने दिन नजिकिँदै गर्दा सुरक्षा चुनौती पनि रहेको छ । गत वैशाखमा सम्पन्न स्थानीय तहको निर्वाचनसहित अघिल्ला निर्वाचनहरूमा झडप भएका क्षेत्रका मतदाता त्रासमा छन् । रामेछाप प्रशासनले भने शान्तिपूर्ण तवरले मतदान सम्पन्न हुने भएकाले ढुक्कका साथ निर्वाचनमा सहभागि हुन आग्रह गरेको छ ।
रामेछापका प्रमुख जिल्ला अधिकारी शोभाखर रेग्मीले जिल्लामा सुरक्षा सर्तकता उच्च बनाएकाले ढुक्कसाथ मतदान गर्न नागरिकलाई अनुरोध गर्नुभयो । पहिलो घेरामा नेपाल प्रहरी र म्यादी प्रहरी, दोस्रो घेरामा सशस्त्र प्रहरी र तेस्रो घेरामा नेपाली सेना रहने गरि २५ सय सुरक्षाकर्मी परिचालन गरिएको प्रजिअ रेग्मीले बताउनुभयो । मतदानलाइ स्वच्छ र शान्तिपूर्ण रूपमा सम्पन्न गराउनको लागि सुरक्षा संयन्त्र, राजनीतिक दल, कार्यकर्ता, उम्मेदवार र मतदाता पनि जिम्मेवार हुनुपर्ने उहाँको भनाई छ ।
