जिल्ला प्रशासन कार्यालय रामेछापले बैशाख ३० गते भोलिका दिन अत्याअवश्यक बाहेकका सवारी आवगमनमा रोक लगाइएको छ । प्रशासनले एक सुचना जारी गर्दै बैशाख ३० गते शुक्रबारका दिन पालिका चुनाव हुने भएकाले जिल्लामा अत्यावश्यक बाहेकका सवारी आवगमनमा रोक लगाइएको जानकारी गराएको छ ।
शुक्रबारका दिन स्थानीय तह निर्वाचनको मतदान हुने भएकोले आज राति १२ बजेदेखी भोलि मतदानकार्य सम्पन्न नहुन्जेलसम्म शववाहन, एम्बुलेन्स, दमकल, अस्पताल, विद्युत, खानेपानी, दुरसञ्चार, जस्ता अत्यावश्यक सेवा र अनुमति लिएका सवारी साधन बाहेक अन्य सम्पुर्ण सार्वजनिक, निजी यातयातका साधनहरु बन्द हुने सुचनामा उल्लेख छ ।
अत्यावश्यकीय साधनका लागि पास अनिवार्य गरेको छ । काम विशेषले सञ्चालन गर्नुपर्ने सवारीले अनिवार्य रूपमा जिल्ला निवाचन अधिकृतको कार्यालयबाट पास लिनुपर्नेछ । शुक्रवार हुने स्थानीय तह निर्वाचनको दिनमा भिडभाड नहोस् तथा मतदानमा सहज होस् भन्ने उदेश्यले सवारीसाधन चलाउन रोक लगाईएको जिल्ला प्रशासन कार्यालय रामेछापले जनाएको छ ।
