स्थानीय तहको निर्वाचन नजिकिँदै गर्दा रामेछापमा उम्मेदवारहरू मत माग्दै घरघरमा पुगिरहेका छन् । राजनीतिक दलनिकट वा स्वतन्त्र उम्मेदवारले आर्थिक र सामाजिक विकासका महत्वकाङ्क्षी योजना अघि सारिररहेका छन् । रामेछापका युवा मतदाता भने निशुल्क शिक्षाको प्रतिवद्धता खोजिरहेका छन् । पहिलो पटक मतदान गर्न लागेका युवाहरू भने उत्साहित छन् । शिक्षा र रोजगारीमा केही सहुलियत पनि खोजिरहेका छन् ।
शिक्षा र स्वास्थ्यलाई विशेष जोड दिँदै सबै क्षेत्रलाई समेट्ने उमेदवारलाई मतदान गर्ने योजना रहेको स्थानीयवासी युवाहरुको भनाई छ । युवामा भएको जोश जाँगर आफ्नै देशमा प्रयोग गर्न पाउने वातावरण बनाउने उमेदवार आफ्नो रोजाइमा पर्ने युवाहरुले बताउँदै आएका छन। अधिकाङ्श उमेद्वारको एजेन्डा सडक लगाएत पूर्वाधारको विकासमा केन्द्रीत छ । राजनीतिक दलको एजेन्डामा युवा लक्षित कार्यक्रम खासै प्राथामिकतामा नपरेको गुनासो उनीहरूको छ ।
