यही वैशाख ३० गते हुने स्थानीय तहको निर्वाचनका लागि नेपाली कांग्रेसले रामेछाप नगरपालिका वडा नं ८ मा केदार कार्कीलाई वडाअध्यक्षको उम्मेदवार बनाएको थियो । कार्कीलाई पुन वडाअध्यक्षको उम्मेदवार बनाएको भन्दै वडा सदस्य सन्तोष तामाङ,नेपाली कांग्रेसका नेता गौतम कुमार श्रेष्ठले आफुहरुले वडाअध्यक्षको टिकट पाउनुपर्ने बताउदै आउनुभएको थियो ।
तामाङ र श्रेष्ठले कुनै पनि हालतमा आफुले वडाध्यक्षको टिकट पाउनुपर्ने अडान राखेपछि आईतबार रातभर त्रिपक्षिय बैठक बसेको थियो । अन्तत केदार कार्कीले सन्तोष तामाङलाई वडाअध्यक्षको उम्मेदवारमा सहमती जनाएपछि टिकटको विषयलाई लिएर भएको विवाद समाधान भएको छ ।
अब वडा नं ८ मा तामाङ वडाअध्यक्षको उम्मेदवार बन्नुभएको छ । वडा सदस्य भएर काम गरिसक्नुभएका तामाङ वडामा निकै लोकप्रिय मानिनुहुन्छ । कुनै पनि हालतमा तामाङले वडाअध्यक्षको टिकट पाउनुपर्ने कुरा नागरीकस्तरबाट आउने गरेको थियो । नागरीकले रुचाएको र जनमत पनि धेरै भएको हिसाबले तामाङले भारी मतले चुनाव जित्ने आँकलन गर्न सकिन्छ ।
५ वर्षको अबद्यिमा वडा नं ८ मा धेरै कामहरु भएको वडाअध्यक्षका उम्मेदवार तामाङले बताउनुभयो । उहाँले वडाको समग्र विकासमा आफु पहिलादेखी नै रात दिन नभनी लागी परेको भन्दै पहिलो कार्यकालमा आधाअधुरा रहेका कामहरु अबको कार्यकालमा पुरा गर्ने पतिबद्धता पनि व्यक्त गर्नुभयो ।
