यहि वैशाख ३० गते हुने स्थानिय तहको निर्वाचनमा रामेछाप जिल्लामा सत्ता गठबन्धनबीच चुनावी तालमेल हुने नहुने बारे आज निर्णय हुने भएको छ । रामेछापमा पाँच दलिय गठबन्धनलाई निचोडमा पुग्न सकस भएको छ । केन्द्रको निर्देशन अनुसार चुनावी तालमेलको बिषयमा पटकपटक छलफल भए पनि सहमति जुट्न नसकेको नेपाली कांग्रेस रामेछापका सभापति पुर्ण ब तामाङ(कान्छाराम)ले ईरामेछापलाई बताउनुभयो ।
जिल्लामा गठबन्धनको नेतृत्व कांग्रेसले गरिरहेको छ । सहमतिका लागि धेरै पटक बैठक बसिसकेको भए पनि निचोडमा पुग्न नसकिएको उहाँले बताउनुभयो । नेपाली कांग्रेस र माओवादीबीच सिट बाँडफाँडमा कुरा नमिल्दा चुनावी तालमेल हुने नहुने अनिश्चित बनेको छ । आज साँझ अन्तिम पटक सत्ता गठबन्धनको बैठक बसेर छलफल गर्ने प्रयास भैरहेको सभापति कान्छाराम)ले जानकारी दिनुभयो ।
सकभर सहमती गर्ने प्रयास गरिने यदि सहमती नभए भोली देखी नै कांग्रसले आफना उम्मेद्वारहरुलाई टिकट बाँड्न सुरु गर्ने उहाँले ईरामेछापसँग बताउनुभयो । माओवादीले सुनापति गाउँपालिका,दोरम्बा शैलुङ गाउँपालिका,खाँडादेवी गाउँपालिका र मन्थली नगरपालिकामा दावी गर्दै आएको छ । माओवादीले चार वटा स्थानीय तहमा दावी गरेपछि कांग्रेसले पनि रामेछापको पाँच वटा स्थानीय तह दावी गरेको छ । एकीकृत समाजवादीले मन्थली नगरपालिकामा आफ्नो दावी कायमै राखेको छ ।
