प्रमुख निर्वाचनआयुक्त दिनेश कुमार थपलियाले वैशाख ३० गतेका लागि तय भएको स्थानी यतहको निर्वाचन सफल पार्न सबैसँग अपील गर्नुभएको छ । आज मधेस प्रदेशको राजधानी जनकपुरधाममा आयोगले गरेको स्थानीयतह निर्वाचन २०७९ मिडिया अभिमुखीकरण कार्यक्रमको उद्घाटन सत्रमा उहाँले आयोगले निर्धारण गरेको तालिका बमोजिम निर्वाचन सफल पार्न जुट्न सबैसँग अपील गर्नुभएको हो ।
देशमा स्थानीयतह निर्वाचनको माहोल तयार भइसकेको भन्दै अब निर्वाचन सार्न खोजिए त्यसले दुर्घटना निम्त्याउने उहाँको भनाइ छ । निर्वाचनको मिति तय गर्नुअघि संविधान र कानुनलाई ध्यानमा राखेर छलफल गरिएको उहाँले बताउनुभयो ।निर्वाचन अचारसंहिता नैतिक र कानुनी बन्धन भएकाले यसको पालना सबै पक्षले गर्नुपर्ने आयुक्त थपलिकाले बताउनुभयो ।निर्वाचन आचारसंहितालाई सामान्य रुपमा नलिन पनि उहाँले चेतावनी दिनुभयो ।
