यहि वैशाख ३० गते हुने स्थानीय तहको निर्वाचनमा रामेछापमा पाँच दलिय गठबन्धनले तालमेल गर्ने भएका छन । आज मन्थलीमा गठबन्धनको पहिलो बैठकले केन्द्रले जारी गरेको अपिललाई आत्मासात गर्दै रामेछापमा पनि गठबन्धनलाई निरन्तरता दिने निर्णय गरेको नेपाली कांग्रेस रामेछापका उपसभापति लेख ब कार्कीले जानकारी दिनुभयो ।
पाँच दलको पहिलो बैठकले जिल्लाका सबै स्थानीय तहमा तालमेल गरेर जाने निर्णय गरेको उहाँले बताउनुभयो । नेपाली काँग्रेसका सभापति पुर्ण बहादुर तामाङ (कान्छाराम), नेकपा माओवादी केन्द्रका संयोजक मैन कुमार मोक्तान, नेकपा एकीकृत समाजबादीका अध्यक्ष रमेश कुमार बस्नेत र जनता समाजवादी पार्टीका संघीय परिषद सदस्य रोज बहादुर मोक्तान सहितको टिमले गठबन्धनलाई जिल्लामा निरन्तरता दिने सहमति गरेका हुन ।
गठबन्धनलई निरन्तरता दिँदै निर्वाचनमा तालमेल गर्ने रणनिती बमोजिम गठबन्धनमा भएका दलले एक अर्कालाई प्रतिकुल असर पर्ने अभिव्यक्ति नदिने र त्यस्ता कुनै पनि गतिविधि नगर्ने र नगराउने निर्णय समेत भएको उनिहरुले विज्ञप्ती मार्फत जनाएका छन ।
