रामेछापमा एक महिलामाथि बलात्कार भएको छ । रामेछाप नगरपालिका–८ स्थित कालिआँप भन्ने स्थानमा रहेको बाख्रा फर्ममा एक ३२ बर्षिय महिलामाथि बलात्कार भएको रामेछाप प्रहरीले जानकारी दिएको छ । यहि चैत्र ७ गते महिलामाथि बलात्कार भएको हो । प्रहरीले बलात्कारको आरोपमा दैलेख चामुण्डा गाउँपालिका–४ का रुकुम बुढालाई पक्राउ गरेको हो । मन्थली नगरपालिका–१ मा बस्दै आएका बुढाले चिया खान जाँउ भनि बाख्रा फर्ममा लगेर महिलालाई बलात्कार गरेको पीडित महिलाले प्रहरी समक्ष उजुरी दिनुभएको छ । यस घटनाबारे थप अनुसन्धान भैरहेको प्रहरीले जानकारी दिएको छ ।
