लोपन्मुख जाति हायुको महान पर्व महाकाली देवीको पुजा आजदेखी रामेछाप जिल्लाको रामेछाप नगरपालिका वडा नम्बर ७ मुडाजोरमा सुरु भएको छ । वषौँदेखी नेपालको लोपन्मुख जाति हायुहरुले मनाउने महाकाली देवीको पुजा हरेक वर्ष मुडाजोरमा रहेको उप्छिमीरानी अर्थात महाकाली देवीको थानमा विशेष पुजाआजा सहित मनाउने गरिन्छ ।
महाकाली देवीको थानमा हरेक वर्ष मेला लाग्ने गर्छ । १ हप्तासम्म बाजागाजा सहित लाग्ने मेलामा हायुजातिका पुरुषहरु पुजारी हुन्छन । विभिन्न भाकल तथा दर्शनका लागी यस मेलामा रामेछाप सहित सिन्धुलीका हायु जातिका मानिसहरु र अन्य जातजातीका मानिसहरु पनि दर्शन गर्न आउने गर्छन ।
यहाँ दर्शन गरेपछि मनोकामना पुरा हुने जनविश्वास छ । स्थानिय सरकारले पनि महाकाली देवीको थान संरक्षण गर्न काम गरेको रामेछाप नगरपालिका वडा नं ७ का वडाअध्यक्ष समिर कार्कीले बताउनुभयो । नेपालमै सबै भन्दा धेरै हायु जातिको बसोबास रहेको वडा नं ७ मा हायु जातिको संस्कृत संरक्षणमा आफुहरुले काम गरेको उहाँले बताउनुभयो ।
महाकाली देवीको थान संरक्षण गर्न कम्पाउण्ड वाल लगाउने काम सम्पन्न भएको वडाअध्यक्ष कार्कीले बताउनुभयो । वाजागाजा र जातिय भेषभुषा राख्नको लागी हायु जातिको संग्राहलय निर्माण गर्ने योजना पनि अघि बढाइएको र नगरपालिकाले गुरु योजना बनाउँदा महाकाली देवीको थानलाई धार्मिक पर्यटकिय क्षेत्रको रुपमा समेटिएको उहाँले बताउनुभयो ।
https://www.youtube.com/watch?v=iW0pt44STbI&t=76s
