रामेछापमा कोरोना भाइरस (कोभिड १९) विरुद्धको पुर्ण खोप ९७ हजार बढीले लगाएका छन । जिल्लामा खोप अभियान सुरु भएदेखी हालसम्मको अवद्यिमा ९७ हजार ९ सय २८ जनाले पुर्ण मात्रा खोप लगाएको स्वास्थ्य कार्यालय रामेछापले जानकारी दिएको छ । जिल्लामा एक लाख ७ हजार २ सय ८५ जनाले पहिलो मात्रा खोप लगाएका छन ।
जिल्लामा भेरोसेल,कोभिडशिल्ड, एस्ट्राजेनिका,जोन्सन एण्ड जोन्सन खोप लगाइएको थियो । अहिले पनि जिल्लामा खोप अभियान चलिरहेको छ । खोप लगाउन छुटेका नागरीकहरुले आफु नजिकैको स्वास्थ्य केन्द्रमा सम्पर्क गरी खोप लगाउन स्वास्थ्य कार्यालयले आग्रह गरेको छ ।
अहिले पनि बुस्टर डोज खोप लगाईरहेकाले दोश्रो डोज लगाएको ६ महिना पुरा भएकाहरुले बुस्टर डोज खोप लगाउन स्वास्थ्य कार्यालयले अनुरोध गरेको हो । रामेछापमा पछिल्लो समय कोरोना संक्रमित हुनेहरुको संख्या पनि घटेको छ । अहिले जिल्लामा १९ जना मात्रैै कोरोनाका सकृय संक्रमित रहेका छन ।
