रामेछाप जिल्लाको एक मात्र संस्कृत विद्यालय श्री शारदा संस्कृति माध्यमिक विद्यालयले संस्कृत भाषा अन्तर्गत निशुल्क कर्मकाण्ड पढाउने भएको छ । खाने,बस्ने व्यवस्था सहित निशुल्क कर्मकाण्ड पढाईने उक्त विद्यालयका विद्यालय व्यवस्थापन समितीका अध्यक्ष शिवप्रसाद घिमिरेले बताउनुभयो ।
पछिल्लो समय पुरोहित पेशा र संस्कृत भाषा लोप हुने अवस्थामा पुगेकाले यसको संरक्षणका लागी रामेछापमै पहिलो पटक निशुल्क कर्मकाण्ड पढाउन थालिएको विव्यस अध्यक्ष घिमिरेले बताउनुभयो । अहिले रामेछाप र दोलखाका १० जना विद्यार्थीहरु कर्मकाण्ड पढिरहेका छन । कक्षा ८ देखी १२ सम्मका विद्यार्थीहरुले कर्मकाण्ड अध्यन गरिहेको उहाँले बताउनुभयो ।
अन्य विभिन्न जिल्लाका कर्मकाण्ड पढ्न ईच्छुक विद्यार्थीहरु आएमा उनिहरुलाई पनि खाने,बस्ने व्यवस्था सहित पढाईने विव्यस अध्यक्ष घिमिरेले बताउनुभयो । कर्मकाण्ड अन्तर्गत रुद्रि,चण्डी,वेद,भागवत पढाईने उहाँले बताउनुभयो । निशुल्क कर्मकाण्ड पढाउनका लागी आवश्यक पर्ने रकम व्यवस्थापन गर्ने काम भइरहेको विद्यालयले जनाएको छ ।
स्थानियतह,विभिन्न संघसंस्था तथा व्यक्तिहरुले आफुले सकेको सहयोग प्रदान गरेर पुरोहित पेशा र संस्कृत भाषा लोप हुनबाट जोगाउन विव्यस अध्यक्ष घिमिरेले आग्रह गनुभयो ।
