बडा दशैँ तथा दिपावलीको अवसरमा रामेछापको लिखु तामाकोशी गाउँपालिकामा पुरुष भलिवल प्रतियोगीता हुने भएको छ । यहि असोज २३ गतेदेखी २५ गतेसम्म प्रतियोगीता आयोजना गर्न लागिएको आयाजकले जानकारी दिएको छ ।
३ दिनसम्म सन्चालन हुने प्रतियोगीताको आयोजना लिखु मुनाल युवा क्लवले गरेको हो । खुल्ला न.पा. तथा गा.पा. वडा स्तरीय पुरुष भलिवल प्रतियोगीता अरुणोदय मा.वि. लिखु तामाकोशी–२ फेदीको खेल मैदानमा हुने आयोजकले जनाएको छ ।
आयोजकका अनुसार प्रतियोगीतामा प्रथम हुने टिमले नगद ५० हजारसहित शिल्ड, मेडल र प्राणपत्र प्राप्त गर्नेछ । द्वितिय हुनेले नगद ३० हजारसहित शिल्ड, मेडल र प्रमाणपत्र तथा तृतीय हुनेले नगद नगद १५ हजारको साथमा शिल्ड, मेडल र प्रमाणपत्र प्राप्त गर्नेछन् ।
सान्त्वना हुनेले नगद ५ हजार पुरस्कार पाउने र उत्कृष्ट विधाहरुतर्फ वेष्ट प्लेयर, वेष्ट स्पाइकर, वेष्ट सेटर वेष्ट डिफेन्डरले जनही ३ हजार नगद पुरस्कार पाउने आयोजकले जानकारी दिएको छ
