जिल्ला प्रशासन कार्यालय रामेछापले पनि जिल्लाका सार्वजनिक स्थल, विवाह,व्रतबन्ध,भोजभतेर,सभा सम्मेलनमा २५ जना भन्दा बढी भेला हुन नपाइने जनाएको छ । सरकारको निर्णयलाई पूर्ण रुपमा पालना गर्नको लागि जिल्लावासीलाई रामेछाप प्रशासनले आग्रह गरेको छ । कोरोनाको सङ्क्रमण बढेपछि सरकारले सार्वजनिक स्थानमा २५ जनाभन्दा बढी भेला हुन रोक लगाएको छ । विवाह, ब्रतबन्ध, मलामी जस्ता कार्यमा २५ जनाभन्दा बढी सहभागी नहुन पनि आग्रह गरिएको हो । मास्क नलगाएकाहरुलाई सार्वजनिक कार्यालय र सवारीमा प्रवेश नदिने निर्णय पनि सरकारले गरेको थियो । यता जिल्लामा पनि सो कुरा लागु हुने रामेछापका प्रमुख जिल्ला अधिकारी गौलोचन सैजुले बताउनुभयो । दुरी कायम गर्ने, मास्क लगाउने, साबुनपानीले हातधुने लगायतका कुराहरुमा सबैले ध्यान दिनुपर्ने उहाँले बताउनुभयो ।
२५ जना भन्दा बढी भेला नहुन रामेछाप प्रशासनको आग्रह
