रामेछाप जिल्लामा शुक्रबार अर्थात आजसम्म १७ सय ९४ जनाको पीसीआर विधिबाट कोरोना भाइरस कोभिड १९ को परीक्षण गरिएको छ । यि मध्ये १५ सय २७ जनाको रिपोर्ट नेगेटिभ आएको छ भने १ सय १ जनाको रिपोर्ट पोजेटिभ आएको छ । अझै १ सय ६६ जनाको रिपोर्ट आउन बाँकी रहेको स्वास्थ्य कार्यालय रामेछापले जानकारी दिएको छ । रामेछाप नगरपालिकाबाट ७९ जना र लिखु तामाकोशी गाउँपालिकाबाट ३० जना गरी १ सय ९ जनाको स्वाब संकलन गरी पिसिआर परीक्षणका लागी पठाइएको छ । उनिहरुको रिपोर्ट केहि दिनमा आउने छ । जिल्लामा विभिन्न समयमा कोरोना संक्रमण पुष्टि भएका ३७ जनाको उपचार भईरहेको छ । जिल्लाबाटै पिसिआर परीक्षणका लागी पठाइएका १ सय १ जनामा कोरोना पुष्टि भएको छ भने जिल्ला बाहिर स्वाब परीक्षण गरिएका तर रामेछाप स्थायी घर भएका १ सय १० जनामा कोरोना संक्रमण देखिएको छ ।
रामेछाप जिल्लामा ३९ जना क्वारेन्टिनमा
रामेछाप जिल्लाको विभिन्न पालिकाहरुमा आजसम्म ३९ जना क्वारेन्टिनमा रहेका छन । ४ जना महिला र ३५ जना पुरुष गरी ३९ जना क्वारेन्टिनमा रहेको स्वास्थ्य कार्यालय रामेछापले जनाएको छ । रामेछाप नगरपालिकामा २ , गोकुलगंगा गाउँपालिकामा २७ जना र लिखु तामाकोशी गाउँपालिकामा १० जना गरी जिल्लाभर ३९ जना क्वारेन्टिनमा रहेका छन् । मन्थली नगरपालिका , दोरम्बा , खाँडादेवी, उमाकुण्ड र सुनापति गाउँपालिकामा भने कोहि पनि व्यक्ति क्वारेन्टिनमा बसेका छैनन् । जिल्लामा अहिलेसम्म १ सय ८ बेडको आइसोलेशन कक्ष र ४ सय ९० बेडको क्वारेन्टिन कक्ष स्थापना गरिएको छ ।
