श्री गौरीशङ्कर माध्यमिक विद्यालयमा अध्यनरत १८ जना टुहुरा,असहाय तथा जेहेन्दार बालबालिकालाई विद्यालय पोशाक वितरण गरिएको छ । रामेछाप नगरपालिका ८ का बासिन्दा हाल जापानमा रहनुभएका सिताराम श्रेष्ठले बालबालिकाहरुलाई विद्यालय पोशाक उपलब्ध गराउनुभयो ।
सितारामका आमा छत्र कुमारी श्रेष्ठले विद्यालयमा पुगेर सर्ट,पाईन्ट,जुत्ता,मोजा र झोला बालबालिकालाई हस्तान्तरण गर्नभयो । आफै अध्यन गरेको विद्यालयका टुहुरा,असहाय तथा जेहेन्दार बालबालिकालाइ सहयोग गर्न पाउँदा खुशी लागेको सितारामले बताउनुभयो ।
श्री गौरीशङ्कर माध्यमिक विद्यालय व्यवस्थापन समितिका अध्यक्ष कमल विक्रम कार्कीले सहयोगी सितारामले गर्नुभएको सहयोगको कदर गर्दै आगामी दिनहरुमा पनि यस्तै सहयोगको अपेक्षा गर्नभयो । सिताराम श्रेष्ठ रोजगारीको शिलशिलामा हाल जापानमा हुनुहुन्छ ।
