चाड पर्वमा आपराधिक क्रियाकलाप हुन सक्ने भन्दै सबै सचेत रहन रामेछाप प्रशासनले आग्रह गरेको छ ।
नेपालीहरूको महान् चाड पर्वहरू दशै, तिहार लगायतका मुख्य चाड पर्वमा बजारमा हुन सक्ने सम्भावित कालोबजारी, म्याद गुज्रेका सामानको बिक्री वितरण, अवैध मदिराको बिक्री वितरण, जुवातास खेल्ने/खेलाउने, चोरी–लुटपाट जस्ता आपराधिक क्रियाकलाप हुन सक्ने भन्दै सबै सचेत प्रशासनले आग्रह गरेको हो ।
सोमबार एक सूचना जारी गर्दै प्रशासनले सार्वजनिक सवारी साधनहरूमा क्षमता भन्दा बढी यात्रुहरू बोक्ने, तोकिए भन्दा बढी भाडा असुल्ने, अवैध रूपमा सञ्चालन भएका चिट्ठा र अनलाइन सपिङमा सहभागी हुने तथा विद्युतीय माध्यमबाट हुने ठगी लगायतका अवैध क्रियाकलाप हुन सक्ने भन्दै ती कार्यहरू नगर्न नगराउन आग्रह गरेको हो ।
यस्तो गतिविधिहरु भएको पाइएमा प्रचलित कानून बमोजिम कारबाही हुने जनाएको छ ।
