रामेछापमा शिक्षक सेवा आयोगले लिएको प्राथमिक तहको परीक्षामा ७१ जना उतिर्ण भएका छन । रामेछापमा १५४ पदका लागि भएको परीक्षामा ७१ जना मात्रै उतिर्ण भएका हुन । आयोगको तथ्यांक अनुसार लिखित परिक्षामा उतिर्ण भएकाहरुलाई गणना गर्दा रामेछापमा अझै ८३ पद रिक्त हुनेछ ।
आयोगले २०७८ साल चैत १९ गते र २०७९ असार १३ गते लिएको लिखित परीक्षाको नतिजा अनुसार माग गरेभन्दा धेरै कम परीक्षार्थी उतिर्ण भएको देखिएको छ । हालसम्म ५१ जिल्लाको नतिजा सार्वजनिक भएको आयोगले जनाएको छ ।
यसअघि माध्यमिक र निम्न माध्यमिक तहको शिक्षकको परीक्षामा पनि माग अनुसार परीक्षार्थी पास हुन सकेका थिएनन् । तर, अहिले मावि र निमाविको भन्दा भने सन्तोषजनक नतिजा आएको शिक्षक सेवा आयोगका प्रवक्ता सुदर्शन मरहठ्ठाले बताउनुभयो ।
