रामेछापको रामेछाप नगरपालिका प्रमुख प्रशासकिय अधिकृत रामेछाप नगरपालिकाबाट सरुवा हुनुभएको छ । दुई वर्ष अघि रामेछाप नगरपालिकामा आएर प्रमुख प्रशासकिय अधिकृतको जिम्मेवारी सम्हाल्नुभएका रामचन्द्र लामगादे लमजुङको मध्यनेपाल नगरपालिकामा सरुवा हुनुभएको हो ।
आईतबार(आज) रामेछाप नगरपालिकाले एक कार्यक्रमको आयोजना गरी प्रमुख प्रशासकिय अधिकृत लामगादेलाई फेरि भेटौँला भन्दै विदाई गरेको हो । दुई वर्षभन्दा बढी समय प्रमुख प्रशासकिय अधिकृत भएर रामेछाप नगरपालिकाका नागरीकहरुको मन जितेर लामगादे विदाई हुनु भएको छ ।
सेवा प्रवाहमा उत्कृष्ट काम गर्न सफल भएको भन्दै लामगादेलाई रामेछाप नगरपालिकाका जनप्रतिनिधि, कर्मचारी,विभिन्न राजनीतिक दलका प्रमुख एवं प्रतिनिधीहरुले हार्दिक सम्मानका साथ आगामी कार्य सफलताको शुभकामना व्यक्त गरेका हुन । नगरपालिकामा सेवा प्रवाह र समन्वयको हिसाबले राम्रो काम गर्न सफल प्रशासकको रुपमा लामगादेलाई लिइन्छ । उहाँले रामेछाप नगरपालिकाको जिम्मेवारी सम्हाले यता नगरपालिकामा धेरै राम्रा कामहरु भएका छन ।
फेरि भेटौँला(बिदाई) कार्यक्रममा बोल्दै प्रमुख प्रशासकिय अधिकृत लामगादे (भिडियो) :
