यही वैशाख ३० गते हुने स्थानीय तहको निर्वाचनका लागि नेपाली कांग्रेसले रामेछाप नगरपालिका वडा नं ७ सुकाजोरमा फेरी पनि समिर कार्कीलाई वडाअध्यक्षको उम्मेदवार बनाएको छ । २०७४ सालको स्थानिय तहको निर्वाचनमा वडाअध्यक्षमा निर्वाचित हुनुभएका कार्कीलाई अहिलको निर्वाचनमा पनि कांग्रेसले वडाअध्यक्षको उम्मेदवार बनाएको हो ।
२०७४ सालको निर्वाचनमा उमेरको हिसाबले रामेछापकै कान्छो वडाअध्यक्षमा निर्वाचित भएका कार्कीलाई वडामा राम्रो काम गरेको भन्दै फेरी पनि पार्टीले टिकट दिएको हो । ५ वर्षको अबद्यिमा वडा नं ७ सुकाजोरमा शिक्षा,स्वास्थ्य,खानेपानी,सडक जस्ता विकासको काममा निकै परिवर्तन आएको महसुस नागरीकले गरेका छन ।
कुनै पनि हालतमा पुन: समिर कार्कीले वडाअध्यक्षको टिकट पाउनुपर्ने कुरा नागरीकस्तरबाट आउने गरेको थियो । नागरीकले रुचाएको र जनमत पनि धेरै भएको हिसाबले कार्कीलाई पुन वडाअध्यक्षको उम्मेदवार बनाइएको नेपाली कांगेसका सभापति कान्छाराम तामाङले बताउनुभयो ।
पुन: वडाअध्यक्षको उम्मेदवार बन्नुभएका कार्कीले सुकाजोरको विकासमा आफु पहिलादेखी नै रात दिन नभनी लागी परेको बताउनुभयो । ५ वर्षको कार्यकालमा सुकाजोरमा धेरै काम भएको भन्दै उहाँले अबको निर्वाचनमा पनि भारी मतले जित्ने र बाँकी रहेका कामहरुलाई प्रमुख प्राथमिकतामा राखेर अघि बड्ने प्रतिबद्धता व्यक्त गर्नुभयो ।
