सामाजिक सुरक्षाभत्ता वितरणमा अनियमितता हुन थालेपछि सबै स्थानीय तहले अहिले सामाजिक सुरक्षाभत्ता वितरणमा बैङ्किङ प्रणाली अपनाएका छन् । गत वर्ष नेपाल सरकारले बैङ्किङ्ग प्रणाली मार्फत मात्रै सामाजिक सुरक्षा भक्ता वितरण गर्ने निर्णय गरे अनुसार अहिले सबै स्थानिय तहहरुले बैङ्किङ्ग प्रणाली मार्फत नै समाजिक सुरक्षा भक्ता वितरण गर्दै आएका छन ।
जेष्ठ नागरीक,अशक्त,अपाङ्ग लगायतका व्यक्तिहरुलाई भक्ता लिन बैँङ्कमै जानुपर्ने बाध्यता छ । सामाजिक सुरक्षा भत्ताका लागि बैङ्क खाता खोल्न र भुक्तानीका लागि बैङ्क पुग्नु परेपछि ज्येष्ठ नागरिक, एकल महिला र शारीरिक अशक्तता भएका व्यक्तिले सास्ती भोग्नुपरेको गुनासो गर्ने गरेका छन ।
तर रामेछापको रामेछाप नगरपालिका वडा नं ७ ले जेष्ठ नागरीक,अशक्त,अपाङ्ग,एकल महिला,लोपन्मुख हायु जातिले पाउँदै आएको भक्तो टोलटोलमै पुगेर वितरण गरेको छ । वडाका समाजिक सुरक्षा भक्ता लिँदै आएका नागरीकहरुलाई सहज होस भनेर आफुहरुले लक्ष्मी बैँक मन्थली शाखासँगको सहकार्यमा टोलटोलमै पुगेर समाजिक सुरक्षा भक्ता वितरण गरिरहेको वडाअध्यक्ष समिर कार्कीले बताउनुभयो ।
वडाको विकट मानिनेँ विर्ता,धनेघाट,मुडाजोर लगायतका सबै टोलमै पुगेर वडाका जनप्रतिनिधी र कर्मचारीहरुले भक्ता वितरण गर्दै आएका छन । शाखा रहित बैङ्किङग सेवा मार्फत लक्ष्मी बैँकसँगको सहकार्यमा टोलटोलमा पुगेर भक्ता वितरण गरेपछि नागरीक पनि खुशी भएका छन । विर्ताका नविन हायुले बैँक खाता खोल्नेदेखी भक्ता लिनेसम्मका सबै सेवा वडाकार्यालय मार्फत गाउँमै पाउनुभयो ।
बैँकमा गएर लाईन बस्नुपर्ने झन्झट, ज्येष्ठ नागरिक, एकल महिला र शारीरिक अशक्तता भएका व्यक्तिले पाउने सास्तीबाट आफुहरु मुक्त भएको उहाँले बताउनुभयो । “गाउँमै सबै सेवा पाउँदा हामी निकै खुशी छौँ । यसरी नागरीकको सेवा गर्ने जनप्रतिनिधी पाउँदा हामीलाई गर्व छ”उहाँले भन्नुभयो ।
विर्ताकै स्थानिय सुजन हायुले पनि वडाकार्यालय पुगेर लिनेपर्ने नागरीकताको सिफारिस टोलमै पाउनुभयो । “यदि हामी सिफारिस लिन वडाकार्यालय जानुपरेको भए ३ घण्टा हिँडेर जानुपर्ने थियो,हामीले भक्ता पनि यहिँ पायौँ,सिफारिस पनि यहिँबाट लियौँ, हामीलाई निकै सजिलो भयो ।”उहाँले दंग हुँदे भन्नुभयो । रामेछाप नगरपालिका वडा नं ७ सुकाजोरले स्थानिय सरकार सन्चालनमा आएदेखी नै वडाको टोलटोलमा गएर समाजिक सुरक्षा भक्ता वितरण गर्दै आएको छ ।
