नेकपा माओवादी केन्द्र रामेछाप नगर कमिटीको अध्यक्षमा मोतीलाल तामाङ हुनुभएको छ । शनिबार सम्पन्न अधिवेशनले तामाङको अध्यक्षतामा सर्वसम्मत रुपमा पदाधिकारी चयन गरेको हो ।
माओवादी केन्द्र रामेछाप नगर कमिटीको उपाध्यक्षमा नरेश बाबु श्रेष्ठ, ईन्दिरा बख्रेल र राम विष्णु बस्नेत चयन हुनुभएको छ । सचिवमा निर कुमार श्रेष्ठ, सहसचिवमा भिम बहादुर तामाङ र कोषाध्यक्षमा सरोज कटुवाल चयन हुनुभएको छ ।
अधिवेशनले ६५ सदस्यीय नगर कार्यसमिति चयन गरेको हो । रामेछापका आठ पालिका मध्ये ६ पालिकामा माओवादी केन्द्रको नयाँ नेतृत्व चयन भैसकेको छ ।
मन्थली नगरपालिका, रामेछाप नगरपालिका, सुनापति गाउँपालिका, उमाकुण्ड गाउँपालिका, दोरम्बा शैलुङ गाउँपालिका र गोकुलगंगा गाउँपालिकामा नेतृत्व चयन भैसकेको छ भने खाँडादेवी गाउँपालिकामा मंसिर १३ गते सोमबार र लिखुतामाकोसी गाउँपालिकामा १८ गते अधीवेशन गर्ने माओवादी केन्द्रको तयारी छ ।
