यस वर्षको वडा दशैँ नजिकिएसँगै रामेछाप सदरमुकाम मन्थलीमा भिडभाड बढेको छ । केहि मानिसहरु मास्क नलगाई पनि हिडेका छन ।
जिल्लामा कोरोना संक्रमणको जोखिम कायमै रहेको भन्दै फेरी रामेछाप प्रशासन र प्रहरीले “तपाईको मास्क खै ” अभियान सुरु गरेको छ ।
रामेछापका प्रमुख जिल्ला अधिकारी दिपक कुमार पहाडी र जिल्ला प्रहरी कार्यालय रामेछापका प्रमुख नवराज ढुंगाना आफै मन्थली बजारको सडकमा निस्किएर मास्क नलगाएकाहरुलाई मास्क वितरण गर्नुभयो ।
उहाँहरुले मास्क नलगाएकाहरुलाई मास्क वितरण गर्दै मास्क लगाउन आग्रह समेत गर्नुभयो । ६६ औ प्रहरी दिवशको अबसरमा “तपाईको मास्क खै” अभियान सन्चालन गरिएको रामेछाप प्रहरीले जानकारी दिएको छ ।
