जिल्ला प्रहरी कार्यालय रामेछापले बाल यौन दुव्र्यबहार गरेर फरार रहेका युवकलाई पक्राउ गरेको छ । रामेछापको मन्थली नगरपालिका वडा नं १२ का वर्ष २२ का सुरज भुजेललाई प्रहरीले हिजो मध्ये रातमा पक्राउ गरेको हो ।
पक्राउ परेका भुजेलले गाउँकै एक बालिकालाई यौनिक मनसाय लिई बालिकाको घरको कोठामा गएर जबरजस्ती संवेदनसिल अंग छुने समात्ने गरेका थिए ।
उनलाई बालिकालाई बाल यौन दुरुपयोग गरेको आरोपमा रामेछाप जिल्ला अदालतबाट २०७७ फागुन १२ गते ५ महिना ५ दिन कैद र १० हजार जरिवाना सजाय सुनाइएको थियो । अदालतबाट सजाय सुनाएलगतै फरार रहेका उनलाई प्रहरीले उनकै घरबाट मध्य राती पक्राउ गरेको हो ।
