रामेछाप जिल्लामा आज १० जना कोरोना सङ्क्रमित थपिएका छन् । जिल्ला अस्पतालमा तीन जना, उमाकुण्ड गाउँपालिकामा चार जना, गोकुलगंगा गाउँपालिकामा एक जना र सुनापति गाउँपालिकामा दुई जनाको एन्टिजेन रिपोर्ट पोजेटिभ आएको स्वास्थ्य कार्यालय रामेछापले जनाएको छ ।
योसँगै जिल्लामा कोरोना पुष्टि हुनेको सङ्ख्या दुई हजार ८५ जना पुगेको छ । यस्तै, जिल्लामा आज १८ जनाले कोरोना जितेका छन । आज मन्थली नगरपालिकाबाट ७ जना, रामेछाप नगरपालिकाबाट पाँच जना, खाँडादेवी गाउँपालिकाबाट एक जना, गोकुलगंगा गाउँपालिकाबाट दुई जना र लिखुतामाकोशी गाउँपालिकाबाट तीन जना कोरोनामुक्त भएको स्वास्थ्य कार्यालय रामेछापले जनाएको छ ।
यो सँगै जिल्लामा कोरोना जित्नेको संख्या एक हजार ८७३ जना पुगेको छ । योसँगै जिल्लामा कोरोना पुष्टि हुनेको सङ्ख्या एक हजार ९७५ जना पुगेको छ । अहिलेसम्म जिल्लाबाट २५ जनालाई थप उपचारका लागि अन्यत्र रिफर गरिएको छ । जिल्लामा अहिले १९३ जना कोरोनाका संक्रिय संक्रमित छन् । कोरोना संक्रमित भएर जिल्लाका १९ जनाले ज्यान गुमाएका छन ।
