रामेछाप जिल्लामा दैनिक कोरोना संक्रमित थपिने क्रम जारी रहे पनि निको हुनेको संख्या पनि बढ्दै गएको छ । जिल्लामा ५९४ जना उपचार पछि स्वास्थ भैसकेका छ्न । आज रामेछाप नगरपालिकाका ४ जना र दोरम्बा गाउँपालिकाका २ जना गरि ६ जना संक्रमित उपचारपछि स्वास्थ भएका छ्न ।
कोरोनाको दोश्रो लहर अन्तर्गत जिल्लामा कोरोना संक्रमित हुनेको संख्या एक हजार ९० पुगेको छ । पिसिआर परिक्षण मार्फत ८२४ र एन्टिजिन परिक्षण मार्फत २६६ जनामा कोरोना संक्रमण देखिएको स्वास्थ्य कार्यालय रामेछापले जनाएको छ ।
जिल्लामा कोरोनाका सक्रिय संक्रमित संख्या ५९४ जना रहेको छ । १२ जनालाइ भने जिल्लामा उपचार सम्भव नभएर अन्यत्र रिफर गरिएको छ । जिल्लामा कोरोना संक्रमण भएर ६ जनाले ज्यान गुमाएका छ्न । अझै जिल्लाका १५ जनाको पिसिआर रिपोर्ट आउन बाँकी रहेको स्वास्थ्य कार्यालय रामेछापले जानकारी दिएको छ ।
