महिलामाथि बलात्कारको प्रयास गरेको आरोपमा रामेछापका एक बृद्ध पक्राउ परेका छन । रामेछापकै दोरम्बा गाउँपालिकाका एक महिलामाथि बलात्कारको प्रयास गरेको आरोपमा दोरम्बा गाउँपालिका १ का एक बृद्धलाई पक्राउ गरिएको जिल्ला प्रहरी कार्यालय रामेछापले जानकारी दिएको छ । पीडित महिलाले दिएको उजुरीको आधारमा ७६ बर्षिय वृद्ध नानी बहादुर तामाङलाई पक्राउ गरिएको जिल्ला प्रहरी कार्यालय रामेछापका प्रवक्ता श्रीशकंर श्रेष्ठले जानकारी दिनुभयो । प्रहरी प्रवक्ता श्रेष्ठका अनुसार करिब ५५ बर्षिय ती महिलाले आफूमाथि बलात्कारको प्रयास भएपछि चिच्याएर भाग्न सफल भएको बताएकी छन । महिलाको उजुरीको आधारमा वृद्ध तामाङलाई पक्राउ गरी थप अनुसन्धान अगाडि बढाएको प्रहरी प्रवक्ता श्रेष्ठले बताउनुभयो ।
यस्तै दुई बर्ष अघि ज्यान मार्ने र जबरजस्ती करणी उद्योगमा दोषी ठहर भइ जेल सजाय तोकिए पनि फरार रहेका रामेछापको मन्थली नगरपालिका–२ टेकानपुरका ५२ बर्षिय अर्जुन श्रेष्ठलाई पनि प्रहरीले पक्राउ गरेको छ । विशेष सुराकीको आधारमा श्रेष्ठलाई मन्थलीको कटरबोटबाट प्रहरीले नियन्त्रणमा लिएको जनाएको छ । उनलाई प्रहरीले शुक्रबार अदालततमा पेश गरेर सोहि दिन जिल्ला कारागार रामेछापमा पठाउने तयारी गरेको छ ।
