७१ औँ प्रजातन्त्र दिवसको अवसरमा जिल्ला कारागार रामेछापमा रहेका १३ जना कैदीबन्दीको सजाय मिनाहा भएको छ । सरकारले राष्ट्रिय प्रजातन्त्र दिवसको अवसरमा रामेछाप कारागारका १३ जना कैदीबन्दीको सजाय मिनाहा गरेको कारागार कार्यालय रामेछापका सूचना अधिकारी भगवती कार्कीले जानकारी दिनुभयो । कैद सजाय मिनाहा हुनेहरुमा कम्तीमा ५० प्रतिशत कैद भुक्तान गरेका १२ जना र असल चालचलन भएका १ जना वृद्ध रहेका छन । कर्तव्य ज्यान मुद्धाका चारजना, सवारी ज्यान मुद्धाका छ जना, लागु औषध मुद्धाका ६७ वर्षिय एक वृद्ध,ज्यान सम्बन्धि कसूरका एक जना र चोरी सम्बन्धि कुसूरका एक जनालाई जेलमुक्त गरिएको छ । जेल मुक्त भएका १३ जनालाई प्रजातन्त्र दिवसको दिन थुनामुक्त गर्ने मन्त्रिपरिषदको निर्णयलाई राष्ट्रपति विद्यादेवी भण्डारीले सदर गरेपछि थुनामुक्त भएको सूचना अधिकारी कार्कीले बताउनुभयो । आज रामेछाप कारागार सहित देशभरका ६ सय कैदीबन्दीको कैद सजाय मिनाहा भएको छ ।
प्रजातन्त्र दिवसको अवसरमा रामेछाप कारागारका १३ जना कैदीबन्दीको कैद सजाय मिनाहा
