सरकारले दुर्गम क्षेत्रका ज्यान जोखिममा परेका गर्भवती तथा सुत्केरी महिलालाई उद्वार गर्दै आएका जिल्ला र स्थानीय तह हेरफेर गरेको छ । महिला, बालबालिका तथा जेष्ठ नागरिक मन्त्रालयले दुर्गम क्षेत्रका ज्यान जोखिममा परेका गर्भवती तथा सुत्केरी महिलालाई हवाई उद्धारसम्बन्धी कार्यविधि २०७५ संशोधन गर्दै उद्धार गर्दै आएको जिल्ला र स्थानीय तह हेरफेर गरेको हो । यसअघि ३० वटा पुर्ण र ४ वटा आंशिक गरी ३४ जिल्लाका स्थानीय तहबाट हवाई उद्वार गरिदै आएकोमा अब देखि भने १९ पुर्ण र २९ जिल्लाका आंशिक स्थानीय तह गरेर ४८ जिल्लाबाट उद्वार गर्न थालिएको मन्त्रालयका राष्ट्रपति महिला उत्थान कार्यक्रम शाखा प्रमुख अन्जु ढुंगानाले बताउनुभयो । दुर्गम क्षेत्रका ज्यान जोखिममा परेका गर्भवती तथा सुत्केरी महिलालाई उद्वार गरेर अस्पतालसम्म मात्र पु¥याउदै आएको भएपनि अब भने घर फर्किनका लागि पनि आर्थिक सहयोग गरिने भएको छ । कार्यविधि संशोधन गर्दै यसअघि दुर्गम क्षेत्रका ज्यान जोखिममा परेका गर्भवती तथा सुत्केरी महिलालाई उद्वार गरेर हेलिकोप्टरमार्फत अस्पतालसम्म मात्र पु¥याउने गरिए पनि अब भने घर फर्किनका लागि एकमुष्ट २० हजार रुपैयाँ पनि उपलब्ध गराउने छ ।
सरकारले अब ४८ जिल्लाका जोखिममा परेका गर्भवती तथा सुत्केरीको उद्दार गर्ने
