रामछापको मन्थली नगरपालिका वडा नम्बर १२ गेलुका आगलागी पीडितलाई जिल्ला प्रशासन रामेछापले राहत वितरण गरेको छ । रामेछापका प्रमुख जिल्ला अधिकारी रुद्रादेवी शर्मा सहितको टोली गेलुमा पुगेर पीडित परिवारलाई राहत प्रदान वितरण गर्नुभएको हो । प्रजिअ शर्माले आगलागी पीडित मकर बहादुर बुढाथोकी, मनोज बुढाथोकी र नारायण बुढाथोकीको गरी तीन घरपरिवारलाई चालिस हजार रुपैयाँ राहत प्रदान गर्नुभयो । जिल्ला विपद् व्यवस्थापन कोष मार्फत पीडितलाई राहत उपलब्ध गराएको हो । पीडित परिवारलाई भाँडाकुडा, कम्बल र त्रिपाल समेत वितरण गरिएको छ । आगलागीबाट तिन घर जलेर नष्ट छ । आगालागीमा परी चार बर्षिय बालक श्रवण बुढाथोकी घाइते भएका छन् । घाइते बालकको तामाकोसी अस्पताल मन्थलीमा उपचार हुन नसकेपछि थप उपचारको लागि काठमाडौं पठाइएको छ ।
रामेछाप प्रशासनद्धारा गेलुका आगलागी पीडित परिवारलाई राहत वितरण
