रामेछाप जिल्लामा पछिल्लो पटक कोरोना संक्रमण दिनानुदिन बढ्दै गएको छ । हालसम्म रामेछाप जिल्लाबाटै पिसिआर परीक्षणका लागी पठाइएका १ सय ४२ जनामा कोरोना पुष्टि भएको छ भने जिल्ला बाहिर स्वाब परीक्षण गरिएका तर रामेछाप स्थायी घर भएका १ सय ४४ जनामा कोरोना संक्रमण देखिएको छ । जिल्लाको मन्थली नगरपालिकाका ६० जनामा कोरोना संक्रमण देखिँदा रामेछाप नगरपालिकाका २२ जनामा कोरोना संक्रमण देखिएको छ ।
अरु स्थानिय तहहरुमा क्रमश उमाकुण्ड गाउँपालिकामा २ जना , खाँडादेवी गाउँपालिकामा १ जना , गोकुलगंगा गाउँपालिकामा २४ जना , दोरम्बा गाउँपालिकामा ३ जना , लिखु तामाकोशी गाउँपालिकामा १९ जना , सुनापति गाउँपालिकामा ३ जना र जिल्ला अस्पतालमा ८ जना गरी १ सय ४२ जनामा कोरोना संक्रमण पुष्टि भईसकेको छ । जिल्लामा अहिले ६९ जना सकृय संक्रमितहरु रहेका छन । उनिहरुको जिल्लाको विभिन्न ठाउँमा उपचार भईरहेको छ । जिल्लामा धेरैले कोरोनालाई जितेका छन ।
दशैं मनाउन गाँउ फर्किनेको लर्कोे, रामेछाप उच्च जोखिमा
रामेछाप जिल्लामा दशैं मनाउन जिल्ला बाहिर रहेका र जिल्लाभित्रै रहेका व्यक्ति गाँउ फर्किने क्रमसँगै कोरोना सं क्रमणको उच्च जोखिम बढेको छ । विभिन्न कामको सिलसिलामा राजधानी काठमाडौँ सहित विभिन्न सहरमा रहेका मासिन घर फर्किने क्रमसँगै कोरोनाको उच्च जोखिम बढेको स्थानीयको भनाई छ ।
दशैं मनाउन जिल्ला भित्र सहित स्वदेशकै विभिन्न सहरमा रहेका मानिस गाँउ फर्किन भर्खर सुरु भएको र त्यसले ठूलै समस्या ल्याउन सक्ने अनुमान गरिएको छ । दशैंको बेलामा कोरोना संक्रमण बढ्न नदिन र जोखिम कम गर्न वडा वडामा जमघट नगर्ने, वल्लघर पल्लो घरमा भिडभाड नगर्ने, माक्स प्रयोग गर्ने, सामाजिक दुरी कायम गर्ने, साबुन पानीले मिचिमिची हात धुने र सरसफाईमा जोड दिने जस्ता सन्देस प्रचार प्रसार गरिएको स्थानीय तहले जनाएका छन् ।
